Jahannami ka Guroh
Hazrat Abu Huraira RadiyAllahu Anhu se Riwayat hai ke RasoolAllah Sallallahu Aliahi Wasallam ne Irshad Farmaya “Jahannam mein jane wale 2 Guroh aise hain jo Main ne abhi tak nahi daikhe (Aur wo mere Baad dunya mein paida honge),
(1) Aise log Aayenge Jin ke paas Bail ki dumon ki tarah sakht kode honge jin se wo logon ko (Zulm se) mara karenge.
(2) Aisi Aourten paida hongi jo kapde pahenne ke bawajood Nangi hongi (yani bareek aur tang kapde un ke Jism par honge), Mardon ko (Adaye dikha kar) apni Janib Mayel karne wali aur khud Mardon ki Janib Mayel hone wali hongi, Un ke sir bakhti Oonton ke kohaan ki tarah (Balon mein unche jode lagane ki wajah se) Aik taraf jhuke honge, Aisi Aourten na Jannat mein Jayengi aur na Jannat ki khushbon Soongh sakengi Halan ke Jannat ki khushbon Door door tak Sunghi jati hai.
[Urdu Ref :: Sahih Muslim :: Vol.6 :: Hadith 7194]
Bakhti oont – Aik qism ka bada oont
Kohaan - Oont ki peet ki bulandi, Saand ya Bail ka Uncha kandha.
0 comments:
Post a Comment